東網電視
更多新聞短片
「烏龍默哀」事件球場罕見。
保加利亞聯賽日前出現尷尬場面，艾達主場對索菲亞利夫斯基嘅賽事，兩隊開波前為前艾達球員簡切夫進行1分鐘默哀，點知半場期間簡切夫竟然聯絡電視台，宣布自己仍然在生，艾達事後發聲明尷尬道歉。
呢場保加利亞頂級聯賽最後踢成1比1，不過「烏龍默哀」事件先係最大話題，據報當兩隊默哀之後，半場期間簡切夫電郵負責直播嘅電視台，證實自己「未死」。
艾達賽後發聲明道歉：「親愛嘅記者同艾達球迷，我哋嘅管理層向前球員簡切夫同佢家人，作出最真誠嘅道歉，我哋接收咗關於簡切夫離世嘅錯誤資訊，球會祝願簡切夫身體健康，繼續享受艾達嘅成功。」
