東網電視
更多新聞短片
拉舒福特一旦轉會，曼聯要賠人工差價。(Getty Images)
拉舒福特今個冬季轉會窗外借到阿士東維拉，成功鹹魚翻生，仲重新入選英格蘭國家隊，好有機會對阿爾巴尼亞嘅世界盃外圍賽復出，重燃世盃夢，不過「福仔」去留唔係咁簡單，因為佢一旦離隊，曼聯要向佢賠償2,000萬鎊(約2億港元)。
英國傳媒報道，拉舒福特在曼聯周薪為31.5萬鎊(約315萬港元)，根據借用協議，維拉向拉舒福特支付75%周薪，並可在今夏以4,000萬鎊(約4億港元)買斷，其他球會對「福仔」有興趣，亦可用相同價格收購。
曼聯同拉舒福特合約仲有3年，如果「福仔」留隊，曼聯就要按31.5萬鎊周薪出糧畀佢至約滿，亦相信好難有球會畀咁高人工簽佢，因此如果「福仔」今夏離隊，曼聯就要補番人工差價畀佢，業內人士估計，金額差價係2,000萬鎊(約2億港元)，相等於轉會費嘅一半。
