東網電視
更多新聞短片
華基爾雲迪積克同利物浦續約冇聲氣。(Getty Images)
荷蘭中堅華基爾雲迪積克同利物浦嘅合約夏天完結，但續約遲遲未有着落，近日有傳沙特豪門希拉爾開出天價合約，利誘呢位33歲「世一」中堅過檔。不過荷蘭領隊朗奴高文爆料，指雲迪積克未有打算「降格」去沙特，會繼續留喺歐洲頂級賽事。
荷蘭喺歐國聯大戰西班牙前，雲迪積克嘅去向成為話題之一，朗奴高文就表示：「無論雲迪積克留喺利物浦，定係轉投其他大球會，我覺得都冇乜問題，大家放長雙相。據我所知，雲迪積克仍然希望留番喺依家嘅賽事水平入面競爭。」朗奴高文嘅意思係，雲迪積克唔會去沙特或美職等二線聯賽。
朗奴高文對於國腳效力嘅球會相當「執着」，上年就曾公開批評加盟沙特勁旅伊蒂哈德嘅貝雲積，指佢係「為錢棄前途」，而貝雲積轉會之後就冇再入選過荷蘭國家隊。
