東網電視
更多新聞短片

阿美利今季重返巔峰狀態。(Getty Images)
緬恩斯今季成為德甲神奇球隊,28歲中場拿迪安阿美利係重要原因,呢位天才中場5年前曾踢德國國家隊,但之後喺利華古遜發展麻麻,愈踢愈沉,直到轉會緬恩斯終重獲新生,今季德甲有6個入波同3次助攻,而且喺搶波方面更係歐洲5大聯賽頂尖,所以喺最新一期德國名單,佢就重返國家隊。
阿美利表示:「隔咗5年再次被德國徵召,我覺得好似發夢一樣,我每一日都好努力咁去練習,當收到拿高斯文電話話我入選國家隊,我開心到喊咗出嚟!」喺科利安華迪斯受傷情況下,預料阿美利有機會以正選身份上陣大展身手。
阿美利嘅「翻生」亦令佢有更多機會,雖然佢同緬恩斯合約到2028年,但德國《體育圖片》報道,RB萊比錫將喺夏天提出斟介,預計轉會費會達到3,000萬歐元。