東網電視
更多新聞短片
傳賴恩格雲貝治游說謝利美費林邦投利物浦。
荷蘭足總周四(20日)宣布，效力利物浦嘅中場賴恩格雲貝治因傷患困擾，已經提前離開集訓營返英國養傷，無緣歐國聯8強對西班牙2場大戰。不過「心水清」嘅利物浦球迷就唔擔心，更指格雲貝治今次歸隊已經「完成任務」。
荷蘭足總聲明指，格雲貝治喺上場英聯盃決賽受傷未愈，所以畀佢提前離隊，不過消息指呢位中場傷勢唔嚴重，唔少球迷都相信佢只係「順勢」退隊爭取休息機會，如無意外利物浦2星期後英超迎戰愛華頓，格雲貝治可以「及時」復出。
利迷對呢次受傷消息都好放心，更指佢今次返國已完成任務，事關日前有片段影到，格雲貝治返國家隊報到後，同謝利美費林邦以利物浦方言Scouse打招呼，消息指格雲貝治正游說謝利美費林邦加盟「紅軍」，取代夏天多數離隊嘅阿歷山大阿諾特。
