東網電視
更多新聞短片
杜曹要用成績贏取英國人心。
杜曹即將率領英格蘭喺世盃外出戰阿爾巴尼亞，成為首個帶領英格蘭比賽嘅德國人，佢嘅前任卡斯利因為愛爾蘭人身份，賽前唔肯唱英國國歌引起爭議，作為英格蘭「世仇」德國人嘅杜曹，對於唱國歌呢個敏感話題，就用巧妙回答成功化解。
被問到英格蘭首演會唔會唱國歌，杜曹表示：「首先，英國國歌係好有力量、好鼓舞性同好有意義嘅歌曲，我非常榮幸可以帶領英格蘭國家隊出賽。我深深感受到呢首國歌嘅力量，所以我要先贏到唱國歌嘅權利，英國國歌唔可以話唱就唱，所以我決定第1場比賽唔會唱。」
曾執教多蒙特、車路士、巴黎聖日耳門、拜仁慕尼黑等豪門嘅杜曹進一步解釋：「我要用成績贏取(唱國歌)權利，建立一支團隊，做好自己嘅工作，直到你哋(英國媒體)話『杜曹已經係英國一份子，你有權唱英國國歌』！」
