東網電視
更多新聞短片
佐真奴夏天將離開阿仙奴。(Getty Images)
意大利中場佐真奴費路同阿仙奴張合約夏天完結，來季轉新球會幾成定局，呢位33歲老將日前被影到喺里約熱內盧現身，傳聞佢會同法林明高進行斟介，極大機會去巴甲搵食。
佐真奴周三出現喺里約熱內盧，當佢登上一部的士嗰陣，巴西一個著名網台主持就影到，並且走去問佢係咪會加盟法林明高，佐真奴就回應：「睇下之後有咩發生，我今日係嚟度假。」
巴西傳媒報道，法林明高將向佐真奴開出3年總值800萬鎊嘅合約，唯一問題係球會想佢參加6月展開嘅世界冠軍球會盃，但佐真奴同阿仙奴合約要到6月底先完結，法林明高要游說阿仙奴提早放人。
