東網電視
更多新聞短片
卡拉費奧利膝頭疑受傷。(Getty Images)
意大利周五(21日)凌晨喺歐國聯8強首回合，主場1比2輸畀德國，比賽尾段更有後防主將卡拉費奧利騎呢受傷，懷疑膝頭重創，次回合作客德國形勢危危乎。
意大利今場有好開始，9分鐘就由辛度東拿利入波領先，不過德國下半場大反撲，基連甸斯特49分鐘接應傳中頭槌追平，76分鐘再由哥列斯卡接應角球頂入，2比1反敗為勝。
比賽尾段出現罕見一幕，卡拉費奧利喺一次防守後退期間，自己跣腳做咗個「一字馬」，左腳膝頭疑似扭傷，最後要提前離場，次回合好大機會唔踢得。
意大利領隊史巴列堤賽後透露：「依家唔知卡拉費奧利傷成點，佢話感覺膝頭有啲奇怪，但唔知道其他情況，只可以等待軍醫檢查。」
