東網電視
更多新聞短片
穆罕默德沙拿狀態大勇。
周六(22日)凌晨世界盃外圍賽非洲區A組，榜首埃及憑球星穆罕默德沙拿射入1球及1次助攻，作客以2比0擊敗埃塞俄比亞，5戰取得4勝1和，領先第2位布基納法索及第3位塞拉利昂5分，以小組首名直接出線形勢樂觀。
穆罕默德沙拿延續效力利物浦嘅大勇狀態，開賽31分鐘入波為埃及打開紀錄，僅過9分鐘，沙拿作出妙傳，造就隊友施素射成2比0，協助埃及結束各項賽事連續4場不勝頹勢。
單計世盃外，埃及5戰取得4勝1和，需要踢10輪賽事，現時剛好完成一半，埃及已經帶出，球隊將於下周三(26日)凌晨主場對爭出線勁敵塞拉利昂，如果能夠再下一城，就可以遇清除出線一大障礙。
埃及史上只曾3次打入世界盃決賽周，對上1次係2018年，但3戰全敗分組賽出局，對於32歲嘅沙拿而言，明年可能係佢最後1次機會踢世界盃，肯定搏盡爭取出線資格。
