東網電視
更多新聞短片
高銘浩攻入生涯首球。（文嘉靖攝）
1/2
東方16歲小將「細孖」高銘浩周六（22日）在「賽馬會菁英盃」A組分組賽，86分鐘建功兼攻入生涯首球，助球隊以1比1逼和傑志，並出線4強，「細孖」對攻破宿敵大門特別開心，並指這個入球證明U22球員，都有能力作貢獻。
「細孖」今仗81分鐘入替，5分鐘後隨即接應洛迪古斯車身傳送，門前射成1比1，他稱在危急關頭取得職業生涯首個「士哥」，使他更加難忘：「傑志下半場一直壓住嚟踢，但Chino（東方主教練盧比度）冇畀太大壓力我，話享受場波就可以，好開心落場冇耐就交到功課，回報佢嘅信任，而且傑志一向係我哋主要競爭對手，喺佢哋身上入波特別開心。」
談到今仗賽和「藍鳥」後，成功晉級「賽馬會菁英盃」4強，「細孖」如釋重負，盼將來有更多機會上陣：「今場對我哋成班U22嚟講，係好大鼓舞，證明大家有能力作出貢獻；球隊內部競爭好激烈，除咗外援，仲有好多人等上位，所以我會努力裝備自己，希望嚟緊有多啲機會踢。」
高銘浩（右）於81分鐘後備入替。（鄧文滔攝）
