東網電視
更多新聞短片
三笘薰表現出色。(Getty Images)
曼聯正為來季組軍，據報日本翼鋒三笘薰係目標之一，打算開出6,000萬鎊轉會費(約6億港元)向白禮頓求購，如果成真，三笘薰將打破金玟哉4,300萬鎊由拿玻里轉投拜仁慕尼黑紀錄，成為最高轉會費亞洲球員。
英國傳媒報道，曼聯希望加強中前場兵力，認為可擔任左翼同參與中路組織嘅三笘薰幫到球隊，今個冬窗沙特豪門艾納斯曾向白禮頓開出9,000萬歐元天價轉會費(約7.6億港元)，但遭三笘薰婉拒，回覆表示希望繼續留喺高水平聯賽競逐。
27歲嘅三笘薰同白禮頓合約至2027年夏天到期，雙方正打算續約至2030年夏天，不過如果曼聯提出斟介，並不違背三笘薰留在高水平聯賽嘅意願，而且曼聯嘅名氣同挑戰性肯定更高，對佢有一定吸引力。
白禮頓前領隊樸達指出：「三笘薰有足夠實力在曼聯立足，問題係佢敢唔敢更進一步，挑戰更高水平比賽。」
