東網電視
更多新聞短片
杜曹贏波仍對表現有所不滿。(Getty Images)
英格蘭日前喺新領隊杜曹領軍下旗開得勝，不過呢位德國教頭似乎對球隊表現唔算太滿意，有身體語言專家分析，杜曹今場表現得好緊張，而且唔太滿意整體演出，其中拉舒福特同菲爾科頓更令杜曹最「不滿」！
身體語言專家接受《每日郵報》委託，分析杜曹喺對阿爾巴尼亞一仗表現，占士表示：「杜曹用一個單音調同冷靜嘅語氣去讚利維斯史基利，對其他球員就有一戰非言語嘅表現，展示出佢嘅不滿。杜曹提到拉舒福特同菲爾科頓嗰陣，膊頭縮咗一下、眼睛亦都收細咗，呢種不滿喺比賽期間都見到，佢督師嗰陣雙手扣實個膝頭，雙腳好焦躁咁震動。」
事實上，杜曹亦點名指兩名翼鋒(拉舒福特同菲爾科頓)表現不似預期：「我哋希望兩翼有更大影響力，多啲扭波過人、多啲侵略性嘅禁區入楔，我都唔明點解唔可以更快咁交到波畀佢哋(雙翼)，佢哋可以有更決定性嘅演出。」如果兩位翼鋒未能提升表現，伊比爾治伊斯同查洛保雲都可候命登場。
