東網電視
更多新聞短片
沙真奴一家好適應中國生活。
中國喺世盃外即將迎接生死戰，上輪輸畀沙特後跌落榜尾，周二(25日)喺杭州迎戰澳洲就非常關鍵。中國近年進攻力疲弱，不過早前獲巴西中場沙真奴歸化，今場好大機會首度為中國上陣，而佢嘅老婆同囡囡更順道遊覽杭州。
效力FC北京嘅進攻中場沙真奴，早前已經完成歸化手續，上場對沙特亦有做後備，但因為半場踢少個未有機會落場。根據中國賽前練習情況，主帥艾雲高域可能放棄「鑽石型中場」陣式，改踢雙防中，由沙真奴獨力擔任進攻中場，旨意呢位30歲球星可以做救世主。
沙真奴喺2020年加盟中超球會長春亞泰，老婆Jasmine Soler同兩個女都好適應中國生活，Jasmine周日(23日)仲喺社交網分享一家人遊杭州嘅相片，兩個女更換上中國傳統服飾，沙真奴都留言：「一半巴西人、一半中國人」，心情似乎相當輕鬆。
