東網電視
更多新聞短片
阿諾特同皇馬達成協議。(Getty Images)
1/2
利物浦右閘阿歷山大阿諾特今夏自由身轉投皇家馬德里一事，基本確定，據報阿諾特哥哥兼經理人已同皇馬達成協議，雙方簽約5年，7月1日起生效。
英國傳媒報道，阿諾特因傷未有入選今期英格蘭國家隊，其轉會運作交由哥哥操刀，消息指阿諾特轉投皇馬後待遇提升，由現時在利物浦年薪1,100萬歐元(約9,240萬港元)，加至1,500萬歐元(約1.26億港元)，而且獎金另計。
此外皇馬仲會發放一筆相當於轉會費嘅合理簽字費畀阿諾特，現時阿諾特身價估值為7,500萬歐元(約6.3億港元)，在右閘身價榜中排名世界第1，估計皇馬開出嘅簽字費一定唔會少。
利物浦之前曾經努力過挽留阿諾特，主帥施洛許以隊長及核心地位，不過阿諾特認為加盟皇馬係佢一生唯一次機會，必須好好把握，所以決定拒絕母會挽留，堅決離開。
此外，阿諾特新女友Estelle Behnke好鍾意馬德里生活環境，兩人已經計劃好去西班牙過新生活，更加唔會返轉頭。
阿諾特女友。
