東網電視
更多新聞短片
C朗美斯會否合作？(Getty Images)
擴軍至32隊嘅世冠盃今夏舉行，國際足協6月初加開特別轉會窗，畀各隊增兵機會，據報C朗到時有可能暫時離開艾納斯，短暫加盟一支世冠盃球隊，踢完再返番艾納斯，同佢簽短期約嘅球隊，可能係國際邁亞密或皇家馬德里。
英國傳媒報道，新擴軍嘅世冠盃總獎金高達10億美元(約78億港元)，各隊增兵預算充裕，另邊廂艾納斯無緣世冠盃，但C朗有意出席今屆賽事，因此出現C朗臨時轉投一支世冠盃球隊此一選項。
國際邁亞密對於美斯與C朗組成「夢幻鋒線」抱持開放態度，不過此事仍在醞釀階段，未有實質性進展。
另邊廂，西班牙傳媒正在為皇馬重簽C朗角逐世冠盃造勢，為此在球迷間舉行投票，C朗加盟艾納斯後一直保持高入球率，最近在葡萄牙國家隊亦有入波，狀態甚佳。
