東網電視
更多新聞短片
烏柏美卡奴整傷左膝。(Getty Images)
德甲勁旅拜仁慕尼黑再受打擊，繼左後衞艾方素戴維斯日前為加拿大出戰中北美洲國家聯賽季軍戰受重傷，需長抖幾個月後，中堅烏柏美卡奴亦「為國捐軀」，可能缺陣今季餘下賽事。
烏柏美卡奴日前以正選身份，為法國出戰歐國聯8強次回合對克羅地亞，佢踢足120分鐘，並喺互射12碼階段，有份操刀射入1球，協助法國晉級4強。不過，烏柏美卡奴整傷左膝，經過檢查之後，發現傷勢比預期嚴重，未知幾時可以復出。今季德甲將於5月17日收爐，意味烏柏美卡奴可能會錯過餘下賽事。
由於拜仁另1位中堅金玟哉都有傷在身，加上烏柏美卡奴長抖，日本國腳伊藤洋輝有望獲得正選，同艾歷迪亞扼守中路。
