東網電視
更多新聞短片
拉舒福特在健身室進行各種體能及對抗性訓練。
拉舒福特冬季被曼聯外借去阿士東維拉後，表現有改善，早前更重新入選英格蘭國家隊，呢位27歲前鋒返回維拉報到，立即勤力操練，備戰周日(30日)晚英足盃8強作客普雷斯頓。「福仔」將操練相片上載到社交網，配上3個字「The extra 1%」，有額外付出1%嘅意思。不過，引起唔少曼聯球迷不滿，指責佢收取紅魔鬼巨額人工，但之前踢緊曼聯，又唔見咁勤力。
從相片可見，拉舒福特喺健身室進行各種體能及對抗性訓練，態度非常認真，利辛度馬天尼斯、海倫、約舒亞舒克斯、約羅、迪基亞等前曼聯隊友都有讚好及支持佢。不過，有紅魔鬼球迷認為，「福仔」之前效力曼聯，比賽時經常懶懶閒，表現唔專業，但去咗維拉，反而交足功課，甚至付出更多，完全唔尊重母會，紛紛叫佢今夏正式轉會，唔好再返曼聯。
拉舒福特為維拉上陣9場，已貢獻3次助攻，但仍然未入波，今場英足盃對英冠球隊普雷斯頓，應該「開齋」好機會。
