東網電視
更多新聞短片
紐卡素慶祝贏得70年來首個本土賽事冠軍。(Getty Images)
紐卡素早前喺英聯盃決賽擊敗利物浦，贏得70年來首個本土賽事冠軍，球隊周六(29日)舉行盛大勝利巡遊，據報有多達15萬球迷參與，領隊艾迪侯域成為「喜鵲」大英雄，威到盡！
由於國際賽期關係，紐卡素嘅勝利巡遊延至周六舉行，兩部巴士載住全隊職球員接受球迷夾道歡迎，名宿舒利亞、著名主持人Ant & Dec成為特別嘉賓，場面相當震撼。
紐卡素球迷更喺市中心一棟十幾層高大廈外，掛上一幅超巨型艾迪侯域海報，呢位領隊表示：「實在太多謝大家，紐卡素球迷對我同家人非常好，好開心可以帶到歡欣畀大家。」
艾迪侯域更承諾會爭取更多冠軍：「我哋渴望贏得更多！當你嘗試過成功，就會更加飢渴，當然唔可以不自量力，依家最重要係專注最後嘅聯賽。」
