東網電視
更多新聞短片
「伊高」認為球隊演出仍有不足。（鄧文滔攝）
1/3
大埔周日（30日）在「中銀人壽香港超級聯賽」前列大戰，作客以7比3擊敗理文，重登榜首，但全場錄得兩入球四助攻的伊高沙托尼，未有過份樂觀，並提醒隊友務必改善防守，以免再於領先下，讓對手不斷取得入球。
「伊高」今仗表現神勇，上半場連入兩球，為球隊取得領先之餘，更作出4次助攻，助「綠戰士」在缺少盧卡斯及李家豪下，全取3分兼重奪榜首，但他指球隊需改善防守：「盧卡斯同『家豪』唔喺度，對我哋有影響，但所有球員好清楚呢場唔輸得，大家都踢得好搏命，最後仲入到7球，但防守一定要執執，今場失嗰3球，其實都可以避免。」
「綠戰士」早前在聯賽不敵東方，一度失去榜首，但今仗勝出後，再度掌握主動權，不過「伊高」未敢鬆懈：「嚟緊仲有6場聯賽，有啲仲係對強隊，大家要記住，之前喺聯賽就係因為有一、兩分鐘唔集中，就輸畀東方，所以我哋要咬緊牙關，每場都要以贏波為目標。」
「伊高」上半場射入12碼。（鄧文滔攝）
「伊高」是役錄得兩入球四助攻。（鄧文滔攝）
