東網電視
更多新聞短片
般奴費南迪斯今季為曼聯入16球及13次助攻。(Getty Images)
根據英國《每日星報》爆料，西甲豪門皇馬頻頻派出球探觀察曼聯隊長般奴費南迪斯表現，有意收購呢位葡萄牙國腳，接替已年屆39歲嘅老將莫迪歷，擔任「銀河艦隊」中場指揮官。
據悉皇馬球探近期入場睇曼聯大部分賽事，無論主場或作客都唔放過，目的就係了解般奴費南迪斯演出，呢位30歲中場近7次為曼聯上陣，合共轟入7球，今季累積入16球及13次助攻，皇馬方面認為佢最適合做莫迪歷接班人。
事實上，早前傳出曼聯班主拉特克利夫計劃為球隊大換血，般奴費南迪斯亦屬於被出售人選之一，佢上年夏天已暗示有可能離隊，一旦皇馬出手斟介，般費的確有機會上「艦」，佢仲有2年合約在身。
皇馬以往曾向曼聯挖角主力球星，包括碧咸、C朗、雲尼斯達萊，般奴費南迪斯可能成為另一位加盟「銀河艦隊」嘅紅魔鬼猛將。
