東網電視
更多新聞短片
安察洛堤要分心應付官司。(Getty Images)
皇家馬德里喺西甲、歐聯連場大戰前，教練安察洛堤將要分心上庭接受聆訊，佢涉嫌喺2014年至2025年間故意逃稅，檢察官要求對安察洛堤判監4年。
65歲嘅安察洛堤兩度執教皇馬，第1次係2013年至15年，第2次係2021年到依家。檢察官指控佢喺2014年至2025年間，透過空殼公司同隱瞞資料逃稅100萬歐元，檢察官要求如果罪成，要作出4年監禁判刑。
據西班牙《每日體育報》報道，案件排期喺4月2日進行聆訊，即係西盃對皇家蘇斯達之後1日，上完庭就要喺西甲對華倫西亞同歐聯作客阿仙奴，非常忙碌。
安察洛堤就淡定表示：「呢啲都係舊時嘅事，檢察官認為我喺2015年係西班牙公民，我認為唔係，罰款我已經交過，律帥會處理，睇下法官點判。」安察洛堤喺2014年曾承認因會計師出錯而漏稅，並繳交罰款，但就否認今次逃稅指控。
