東網電視
更多新聞短片
根夏今季英超表現大獲好評。(Getty Images)
狼隊今季英超成績低落，不過巴西前鋒馬菲奧斯根夏嘅演出就相當對辦，喺26場聯賽攻入13球，幾乎憑一己之力幫狼隊護級。呢位巴西國腳日前表態，佢將會喺夏天離開狼隊，尋求更高挑戰，據報唔少豪門都吼實。
現年25歲嘅根夏表示：「我喺1月收到好多斟介，但如果就咁離隊，我會好唔舒服，我唔想喺狼隊身處困難環境下季中轉會。依家狼隊嘅目標(護級)接近達成，我再強調我需要接受下一個挑戰，我想去一隊爭標份子，我有呢個潛質。」
據英國《每日鏡報》報道，阿仙奴、曼聯、諾定咸森林同紐卡素都對根夏有興趣，消息指佢同狼隊合約內，有價值6,250萬鎊嘅買斷條款，相信唔少豪門會陸續加入戰團。
