東網電視
更多新聞短片
利物浦右閘最新目標。(Getty Images)
阿歷山大阿諾特今夏約滿後離隊，利物浦正物色新右閘，據報最新目標係西甲華歷簡奴右閘安德列拉度，解約金只需2,100萬鎊(約2.1億港元)，相當抵玩。
26歲嘅安德列拉度係羅馬尼亞國腳，維拉利爾青訓出身並直上一隊，踢過海牙同侯爾斯卡，2023年效力華歷簡奴至今，兩季上陣44場入3球，今季交出3個助攻，在西甲防守數據排第5，廣受各隊關注。
其實利物浦嘅右閘目標有好多，之前傳過利華古遜荷蘭翼衞謝利美費林邦，身價估計5,000萬鎊(約5億港元)，仲有紐卡素嘅利夫拿文度，身價估計4,200萬鎊(約4.2億港元)，似乎呢個安德列拉度最經濟。
不過利物浦能否買到安德列拉度，仲要問過維拉利爾，因為維拉利爾擁有600萬鎊回購條款，維拉利爾可能啟動回購條款，乘機喺利物浦身上賺番筆。
