東網電視
更多新聞短片
東拿利入波技驚四座。
周四(3日)凌晨英超，紐卡素主場2比1擊敗賓福特，意大利中場辛度東拿利成為贏波功臣，佢喺接近角球旗位置轟入致勝世界波，獲讚媲美雲巴斯頓經典嘅「零度角入波」，網民認為今年普斯卡斯獎(年度金球)非佢莫屬！
力爭前4席位嘅紐卡素，完上半場前由阿歷山大伊沙克入波開紀錄，不過66分鐘賓福特博到12碼，麥比奧莫操刀扳平。74分鐘金球上演，辛度東拿利喺右路近角球旗位置，意外選擇起腳狂轟，個波直飛楣底入網，為紐卡素全取3分。
東拿利「零度角入波」：https://x.com/i/status/1907568734610342239
有網民認為呢個金球，可以媲美荷蘭傳奇雲巴士頓喺1988年歐國盃決賽嘅世紀金球，不過當時雲巴士頓係「窩利」射門難度更高，而東拿利呢球就途程較遠，結果一樣咁精彩。東拿尼賽後表示：「呢個係好好嘅射門，老實講當中有70%係傳中，但結果好完美，而且亦有啲幸運，因為對方龍門企咗出嚟。」
