東網電視
更多新聞短片
安東尼深受貝迪斯球迷愛戴。(Getty Images)
巴西翼鋒安東尼馬菲奧斯喺2月由曼聯外借貝迪斯後，迅即用表現俘虜球迷嘅心，據報喺佢加盟2個月內，喺貝迪斯官方商店已賣出過千件波衫，成為貝迪斯新一代「賣衫王」。
安東尼喺貝迪斯上陣12場，交出4入波同4助攻，連王牌艾斯高日前都笑稱要搞眾籌挽留安東尼。據《塞維利亞日報》報道，貝迪斯官方商店喺過去2個月，賣出1,169件印上安東尼個名嘅波衫，超越艾斯高成為「賣衫王」。
貝迪斯副會長卡泰蘭表示：「簽入安東尼唔容易，要留住佢亦都好難，好大程度要睇安東尼自己點睇，同埋有咩球會嚟爭奪佢。我哋希望擁有安東尼呢啲世界級球星，但亦唔可能不顧一切咁去做瘋狂嘅事，我哋會盡力嘗試留低佢。」
