東網電視
更多新聞短片
哈利雲克斯係李斯特城陣中資深球員。(Getty Images)
李斯特城今季喺英超降班幾成定局，近15場聯賽1勝14負，季中接手嘅領隊雲尼斯達萊都冇晒計，據報隊中「大哥級」球員哈利雲克斯，最近更拒絕領隊叫佢訓練場留宿要求，已經被雲尼斯達萊封殺。
據英國《每日電訊報》報道，李斯特城陣中有3位資深球員，屋企同訓練場距離超過90英里，每日都要山長水遠嚟練波，而哈利雲克斯就係其中之一。雲尼斯達萊為令球員有更好備戰，早前要求哈利雲克斯喺比賽前，入住訓練場附設嘅酒店，但哈利雲克斯就作出拒絕，亦係佢冇份進入上場對曼城大軍名單嘅原因。
29歲嘅哈利雲克斯喺2023年由熱刺過檔，因為私人原因獲前領隊馬利斯卡批准長時間通勤，呢位前英格蘭國腳今季聯賽有22次上陣紀錄，交出2次助攻。
