東網電視
更多新聞短片
陳嘉豪（右）快宋柱浩一步沒收皮球。（文嘉靖攝）
1/3
「中銀人壽香港超級聯賽」周六（5日）頭場於香港仔運動場上演，理文憑艾華頓一箭定江山，以1比0險勝冠忠南區，今場零封對手的門將陳嘉豪，表示雖然球隊今季經歷高低起跌，但爭標的決心未有喪失，盼球隊咬緊牙關奮戰到尾。
上仗面對大埔以3比7大比數吞敗，陳嘉豪直言賽果令人失望，認為今場面對南區調整心態後，球隊的發揮上已見改善：「上場係好失望，但作為足球員要收拾心情，無論球隊或者個人都會總有高低，如果成日諗住上場失利嘅話，就唔會表現得好。賽前教練都鼓勵我哋，一場波輸七球可能唔好睇，但係最緊要大家團結，一定要保持住份信心，唔可以散。」
理文目前落後榜首大埔3分，陳嘉豪直言今季爭取衞冕難免背負壓力，但球隊爭標決心仍然堅定，會抱平常心面對外界壓力：「壓力一定有嘅，不過對於我嚟講，每場波都係平常心去踢，希望Keep住贏到波，冇得質疑我哋嗰個決心。下場對傑志，我哋就要忘記今場嘅勝利，繼續逐場逐場咁去應付。」
陳嘉豪今場成功零封。（文嘉靖攝）
（文嘉靖攝）
