東網電視
更多新聞短片
水晶宮前鋒變皇帝女。(Getty Images)
水晶宮27歲法國前鋒桑馬迪達近期備受追捧，據報多達5支球隊對佢有興趣，計有曼聯、諾定咸森林、馬德里體育會、拜仁慕尼黑同祖雲達斯，真係花多眼亂。
英國傳媒報道，最早對桑馬迪達有興趣嘅係馬體會，近日曼聯、森林同祖雲達斯都詢問桑馬迪達狀況，其中曼聯打算增強前鋒陣容厚度，認為桑馬迪達係後備殺手最佳人選，森林則為來季進軍歐聯做準，希望增強實力。
至於祖雲達斯來季將會重建，杜辛華荷域同高路梅安尼都會離隊，有需要簽新前鋒，拜仁慕尼黑就因為哈利卡尼打算重返英超，亦要搵新前鋒。
據《轉會市場》網站估算，桑馬迪達現時身價為3,000萬歐元(約2.55億港元)，勝在夠平，今季為水晶宮上陣36場入16球3助攻，「性價比」十足，而且佢同水晶宮合約餘下最後1年，水晶宮好大機會將佢出售。
