東網電視
更多新聞短片
森林近期狀態下滑。(Getty Images)
今季英超神奇球隊諾定咸森林，喺最後衝刺階段陷入低潮，周六(12日)英超主場被愛華頓94分鐘絕殺，0比1落敗連輸2場。森林依家雖然仲排第3位，但已被緊隨嘅4大豪門追貼，歐聯席位岌岌可危。
森林上場輸畀維拉後，今場迎戰愛華頓未見起色，10次埋門都係隔靴搔癢，反而愛華頓表現更佳，結果喺94分鐘，愛華頓一次快速反擊由中場杜哥利射入，令森林慘歷2連敗。
森林依家有57分鐘排第3位，但之前嘅優勢已蕩然無存，只係領先曼城同維拉2分及3分，落後4分嘅車路士同紐卡素，更加少踢1場至2場，森林崩潰隨時令上半季嘅佳績付之流水。
森林領隊紐奴賽後表示：「表現好唔掂，最後1分鐘由進攻角球變成失波令人失望，全場演出都唔好，喺球季嘅關鍵時刻走晒樣，球迷都見到球隊踢得唔舒服，我哋要盡全力去嘗試。」
