正所谓“人有相似，物有相同”，粉丝同明星“撞样”经常出现！最经典例子就系美国乐坛天后Taylor Swift原来有个Fans Ashley Leechin同佢生得差唔多一模一样，而佢更因利成便而喺网上拍片搵银！<br/><br/><br/><br/><br/>Ashley与Taylor嘅“神似度”就连Taylor同阿妈Andrea都话似，话说早前Taylor公布新碟的曲目时Ashley亦有拍片畀反应。结果吸引到大批Fans之馀连Taylor亦忍唔住留言：“我阿妈刚睇咗呢个，仲同我讲：‘佢好似你。’”旧年Ashley曾受访表示自己自从14岁开始已经成日畀人话佢知Taylor。不过原来Ashley唔系只靠扮Taylor为生，佢本身系护士。Ashley仲话佢嘅病人都以为佢系Taylor拍紧整蛊人节目。<br/><br/><br/><br/>除了Taylor Swift之外，亦有好多Fans同其他歌手如Olivia Rodrigo、Ariana Grande、 女星玛歌罗比（Margot Robbie）、Harry Styles、哈利王子（Prince Harry）、“哈利波特”丹尼尔格力（Daniel Radcliffe）等明星“撞样”，其中美国网红Paige Niemann更被网民赞有“99.9%”似Ariana！而最搞笑就系英国有个2岁大嘅B女Isla同英国唱作天王Ed Sheeran“撞样”，而Ed亦知道呢件事仲曾经喺清谈节目中搞笑回应：“佢唔系我生！”<br/><br/><br/>