艺人汤盈盈中午（23日）现身电视城，出席无綫处境剧《爱·回家之开心速递》宣传活动。月初由加拿大回港的她，笑言隔离期间十分享受，她説：“For我隔离其实好舒服，可以休息乜都唔使谂，3餐送晒上嚟，好似Staycation咁，冇嘢做净系洗返啲胶碗碟，希望佢哋攞去循环啰。（老公钱嘉乐见返你哋开心晒？）开心啦！佢见返啲女好似见到宝咁，我企喺前面佢都推开我，好惨呀我，哈哈！（囡囡隔离有冇叫闷？）冇呀佢哋可以画吓画，咁啱嗰几日打风我哋又可以睇吓打风。”她表示平日在港她经常要外出工作，隔离期间反而可24小时陪住女儿，所以她们也很高兴。<br/><br/>提到“奖门人”曾志伟确诊新冠肺炎，被问到会否担心老公钱嘉乐与他录影节目《开心无敌奖门人》时亦受到感染？她表示没有担心，因对上一次录影是两星期前，又表示有慰问志伟：“我发短讯同佢讲‘I hope you are OK’，叫佢唔好挂住视像开会，你知佢几忙㗎啦，我叫佢好好休息吓。”<br/><br/><br/>