藝人譚凱琪（Zoie）於2022年與金融才俊老公莊日宇（Enrico）結婚，誕下女兒（Gabri），一家住在九龍塘帝景峰、市值逾6千萬嘅豪宅，生活美滿幸福。最近冇劇在身嘅佢，就喺社交網記錄一下自己嘅「闊太生活」。從片中可見，佢嘅千呎花園相當之大，環境優美，仲種咗唔少植物。之後Zoie仲好有心咁分享種洋蔥嘅心得，真係估唔到呢位闊太連種嘢都識，認真貼地。其實之前佢已經試過喺花園為阿女搞過百日宴，仲佈置成夢幻小樂園，令唔少網民睇完都表示好羨慕佢嘅富貴生活呀！<br/><br/><br/><br/><br/><br/>
