藝人張逹倫、梁麗翹、可嵐及鄭文等，今日（7日）一家大細出席卡通片首映禮，其中張達倫囝囝張凱碩（Zachary）到場後表現興奮，不停與人偶耍樂及拍照，樣子搞笑。<br/><br/>達倫透露自己剛完成電影拍攝工作，剛巧配合囝囝放暑假，會帶他去打波及游水等，爭取親子時間：「佢咁好動，我都想去樣樣試吓。（考慮畀佢做吓童星？）其實佢細個嘅時候，都有拍過吓廣告，試過有朋友開戲，想搵佢客串，點知叫佢做一個簡單表情，但表現太over，佢都係唔適合拍戲。」<br/><br/>達倫又指19歲繼女早前從澳洲回港一個月，一家終可共度天倫：「佢有成兩年幾冇返過嚟，今次真係好開心，走嘅時候都有喊。佢成績唔錯，起初想讀護士，依家又轉科讀建築。（諗住留喺嗰邊？）佢大個女等佢自己決定，可能唔返嚟，嗰邊環境舒適啲。（你再追多個？）都想湊成個好字，不過小朋友嘅嘢講緣分。」<br/><br/>