無綫真人騷《好聲好戲》進入第三輪比賽，在熱身環節開始已表現亮眼的李佳芯（Ali），選擇聲演《執到寶》黃韻詩被兩隻鬼上身的戲份，一人分飾兩角的她挑戰高難度大玩「雌雄同體」，分別聲演「唱大戲男鬼」及「重口音女鬼」，Ali輕鬆駕馭角色，最終獲得11盞綠燈滿分佳績，評判之一的龍天生讚她謂：「妳第一粒音已經似黃韻詩，有嗰種味道。」<br/><br/>另一參賽者陸浩明（6號）則挑戰聲演《溏心風暴》其中一場戲，司儀出身的他咬字發音保持水準，惟配音時「戲味」欠奉，遭汪明荃狠評：「係進步咗好多，但做戲就唔同囉，尤其用把聲嚟做戲，你兩樣都未到，都係做番主持好啲。」6號事後坦言聽到評語「心都裂埋」。而黃俊豪今個回合亦再度失準，一眾評判睇到「鞋鞋聲」，汪明荃同樣不留情面狠批「有懶音又甩嘴」，大受打擊的他一度哽咽。<br/><br/>緊接回合Ali孖住袁文傑上演劇集《鐵拳英雄》「猴子偷桃」一幕，袁文傑聲演「男人最痛」時表現出色，獲讚「真係做到嗰種痛」。綜合所有成績，Ali奪得7票暫時領先排第一，黃俊豪則「捧蛋」包尾。<br/><br/><br/>