影帝梁朝偉早前旋風式襲韓，近日轉飛到日本玩餐飽，仲喺東京街頭踩電動單車，童心未泯之餘，連樣貌都回春，簡直反老還童。此行佢亦繼續集郵，繼之前同韓劇《魷魚遊戲》的導演黃東赫見面後，今次就約見日本型男藤岡靛，仲齊齊於社交網大晒合照，藤岡靛以日文留言指見到梁朝偉之後，先知原來憧憬一個人嘅感覺係咁樣，間接表明視梁朝偉為偶像，仲特意為咗男神用中文留言：「多謝梁先生。」其實梁朝偉之前就曾經同妻夫木聰合照惹熱議，而今次再與藤岡靛同框，對方同樣係日本男神外，亦曾經係香港、台灣發展過，令唔少香港粉絲都勁興奮。<br/><br/><br/>