東方周日（20日）在「中銀人壽香港超級聯賽」，以3比0擊敗香港U23，當中本月初於友賽中暑而一度失去意識的蘇格蘭外援賀爾（Calum），上半場入替傷出的丹尼爾，首次為球隊於正式賽事上陣，他形容當時為「職業生涯最可怕的時刻」，表示經過上次意外後，會更加珍惜足球。<br/><br/>Calum於8月8日友賽理文期間，在1次防守後因中暑突然暈倒，並被送往醫院接受治理。他形容該次意外，為「職業生涯最可怕的時刻」，慶幸復出後能為球隊作貢獻：「嗰次意外真係太恐怖啦，相信其他球員同醫療團隊啲人都被嚇親，不過我依家已經好咗好多，可以落番場踢咗差唔多70分鐘真係好開心。」<br/><br/>今場賽事在約30度的氣溫下進行，溫度較本月初稍為下降，不過Calum笑言仍感到非常炎熱：「我由蘇格蘭過嚟香港，以前都未經過咁熱嘅夏天，嗰邊喺呢個季節仲低過20度。」<br/><br/>如今事過境遷，賀爾仍保持正面，稱會懂得珍惜「生命中的每個時刻」：「經過呢件事，會好好珍惜仲喺世上嘅每一分每一秒，繼續保持積極嘅心態，迎接挑戰。」