足球博彩神器，每日重心提供盡在《彩報》：http://win.on.cc/football/　<br/><br/>德甲勁旅拜仁慕尼黑正在積極拉攏熱刺射手哈利卡尼加盟，德國《圖片報》爆料指拜仁教練杜曹近日曾經前往呢位英格蘭國腳屋企做「家訪」，目的就係遊說佢加盟。據悉熱刺班主利維知道之後非常嬲，揚言要拜仁付出沉重代價。<br/><br/>據悉拜仁方面非常有信心可以簽入哈利卡尼，杜曹甚至親自前往呢位即將30歲嘅射手屋企，進行會面，獲得熱情款待，一齊暢談爭奪歐聯冠軍大計，更有傳雙方已經達成個人待遇條款。熱刺班主利維得知事情之後，暴跳如雷，非常不滿拜仁喺背後搞小動作，依家更加唔想將卡尼賣畀對方。<br/><br/>哈利卡尼只剩下1年合約，拜仁之前曾經提出以6,000萬鎊(約6億港元)收購佢，但熱刺要求1億鎊(約10億港元)，經過今次事件之後，利維可能會再加價。<br/><br/>此外，利維亦準備向哈利卡尼開出新合約，但由於熱刺欠缺爭標實力，恐怕留唔住渴望一嘗捧盃滋味嘅哈利卡尼。