足球博彩神器，每日重心提供尽在《彩报》：http://win.on.cc/football/　<br/><br/>法甲豪门巴黎圣日耳门(PSG)近日连环签人，继马高阿辛斯奥、文路尔乌加迪、史坚尼亚同李康仁后，周一(10日)再宣布喺拜仁慕尼黑收购法国后卫卢卡斯靴南迪斯，转会费为4,000万欧元(约3.43亿港元)外加奖金，亦系新帅安历基上任后第5个新兵。<br/><br/>27岁嘅卢卡斯靴南迪斯效力拜仁慕尼黑4年，上季受严重膝伤困扰令上阵机会大减，由于佢嘅合约只系剩番1年，令拜仁慕尼黑要将佢“平卖”，结果畀PSG有机可乘。消息指卢卡斯靴南迪斯同PSG签约5年，将会成为安历基防线嘅核心人物。<br/><br/>卢卡斯靴南迪斯签约后表示：“我真系好兴奋，我等咗呢次转会好耐，依家终于得到落实，对我同我屋企人嚟讲都系好有意义嘅一日。”卢卡斯靴南迪斯喺法国出世，但自细就去西班牙生活，亦系喺马德里体育会青年军出身，今次系佢首次登陆法甲舞台。