去片睇班倫莊臣踢到李察利臣飛起https://twitter.com/i/status/1697635069525946767　<br/><br/>熱刺今夏以1億鎊將射手哈利卡尼出售畀拜仁慕尼黑之後，大把資金在手，喺轉會窗關閉前最後一刻，以4,750萬鎊(約4.7億港元)買入諾定咸森林翼鋒班倫莊臣，呢位22歲威爾斯國腳曾經同熱刺前鋒李察利臣有「牙齒印」，兩人做隊友隨時會「擦出火花」。<br/><br/>班倫莊臣上季為諾定咸森林各項賽事上陣44場入10球，表現搶眼，被譽為「新加里夫巴利」，因而獲得熱刺垂青。班倫莊臣唔止盤扭技術了得，而且防守亦非常落力，曾經對熱刺，踢到李察利臣飛起。班倫莊臣加盟熱刺之後，呢條片段立即喺網上重新瘋傳，唔少網民擔心，兩人將來一齊操練，隨時會再「講手」。<br/><br/>事實上，熱刺之所以願意高價收購班倫莊臣，好大程度上因為李察利臣表現欠佳，兩人位置上存在競爭，暗藏火藥味。