以破英超轉會費紀錄加盟車路士嘅摩西斯卡些度，啱啱加盟即刻做咗車路士過去20年冇人做過嘅事，着起「藍戰士」嘅25號球衣。呢個號碼對上一次喺車路士出現，已經係意大利傳奇前鋒蘇拿，佢今次做「25」仔前，更專程向蘇拿提出申請，並獲呢位傳奇送上祝福。<br/><br/>自意大利名將蘇拿2003年離隊，車路士件25號波衫一直冇人着過，不過喺白禮頓已經係「25」仔嘅佢，轉會後仍想保留號碼，佢就表示：「好榮幸可以着車路士25號，我有問過蘇拿，佢亦向我送上祝福。我知呢個號碼嘅意義，25對我同我屋企人都係一個好特別嘅號碼。」<br/><br/>蘇拿亦公開回應卡些度嘅要求：「多謝卡些度嘅訊息，我希望呢個號碼帶畀你嘅歡樂，可以同佢帶畀我一樣咁多，祝你好運！」車路士周日(20日)作客韋斯咸，如無意外會係卡些度首演。