內地上位男星、有「小霍建華」之稱嘅徐開騁，憑主演甜寵劇《奈何BOSS要娶我》爆紅，成為新一代男神，仲同早前參加《乘風破浪》勝出有份成團嘅女神張天愛因拍劇而撻着，女方參賽時又公開發文支持，即被視為官宣戀情。點知今日（24日）佢就被拍到連續兩日去到新疆四美之一、圈中另一女神娜扎香閨過夜，疑似一腳踏兩船！<br/><br/><br/><br/>爆料者公開徐開騁7月30日「變裝」離開酒店後，深夜直接搭車去到娜扎屋企嘅小區，隔日31日搭車直奔片場拍戲，點知當晚深夜，佢又搭車去到女方屋企，一直上門密會到隔天先離開。娜扎隨後就出發去到長沙工作，相隔數日後，徐開騁於8月4日再度被目擊拎住橙色禮物盒，搭車前往女方家中，並且當天正正就係七夕佳節！公開一系列相片嘅爆料者，更指呢啲只係「前菜」，隨後會有更多爆料。<br/><br/>娜扎同徐開騁今年4月底合作新劇《戀戀紅塵》，7月中煞科，當時網上已傳出兩人交往消息，但佢又喺5月時公開發文力撐女友張天愛，依家3人感情關係令外界霧裏看花。<br/><br/><br/>