黃智弘因為停賽關係，加上未准於跑馬地出賽，變成提早收咧，總結佢返港短短日子成績，雖然有馬贏，但係多場陣上發揮麻麻，睇嚟仲要仍需努力，無疑佢博位有膽識，不過啲走位同留放，都錯過咗唔少黃金機會。<br/><br/>正如剛剛由布文接手贏馬嘅「生生勝勝」，可以講係新鮮熱辣嘅實用教材，同樣係留前鬥後，黃智弘上次又係攝住欄位等博位，結果塞車遲遲望空，換轉布文，全程留得隻馬好舒服，自彎位慢慢篩出外疊，至直路望衝刺長驅直進，就此奠定勝局。<br/><br/>當然以10磅仔嘅功力，好難期望短時間就騎到布文嘅級數，但作為最佳教材，睇嚟黃智弘都要睇吓片，從中偷師，而響今次賽事，又係有匹佢近期輸得接近嘅「九龍神駒」，咁啱又係搵OK哥跟手尾。<br/><br/>「九龍神駒」上次田草2000米，對面直路畀班大師傅頂咗響四疊望空推進，蝕位之餘仲要入彎提早踩油，用埋嗰段力，結果都係輸唔近，只跑梗頸四，呢次咁啱沈集成搵布文接手，OK哥響谷草嘅攝位留放，當然係信心保竳，今次再執黃智弘手尾，睇嚟又會有唔同演繹。