落選港姐賴彥妤（Vivienna）早前訪問姜麗文時失言，成為一時熱話，事後佢即為事件道歉，希望大家原諒佢嘅不足之處，而網民都大讚佢態度正確。事隔2個多月，佢已重新整裝待發，呢日喺社交網一口氣晒出多張火辣泳衣照，行性感谷人氣！見佢特意去到西貢牛尾州，於石澗岸邊拍下靚靚寫真相，以鮮紅色比堅尼上陣嘅佢，坐喺石頭上大扮優雅港姐甫士，之後又趴低玩「倒奶」，兼側挨石頭扮擱淺，再坐上石頭上向後拗腰，為影靚相不惜攀石涉水，認真愛靚唔愛命，佢留言表示：「過了大暑日子，要去下水上活動，第一次獨木舟去到小島牛尾州，外島的水都是清清的，仲有好多小魚 當住去左旅行先，諗住挑戰下唔曬黑同埋唔跌落水，點知失敗咗，大家玩水要注意安全。」又透露途中發生小意外，接近小島時反艇跌咗落水，好彩有健碩男士同行立即救起佢。<br/><br/><br/><br/><br/><br/>