現年34歲的麥皓兒以候選佳麗身份亮相《香港小姐再競選》記者會，2007年參選港姐的她是今次候選佳麗中最大年紀一位，她稱不擔心被指老：「啲人話我性價比高，Keep到外在同心態唔似真實年紀就係賺咗，啲人成日話我Baby Face，當年參賽時人哋叫我香港小朋友，依家成熟咗參加港姐更貼切。」她自言當年參賽被封為地獄黑仔王，試過病倒及在長城仆低，希望今次能撇甩這個稱號。由於今次參賽要以泳裝上陣，現時110磅的她想多磅10磅以最佳狀態示人：「我最高峰試過145磅，借呢個比賽去鞭策自己。（諗住攞獎？）獎項係額外獎勵，參加比賽係享受過程，有心理準備會輸。」<br/><br/>
