視后鄧萃雯、藝人袁偉豪（Ben）和胡㻗亦下午（20日）現身九龍灣，出席電影《一路瞳行》慈善優先場暨展覽，為一班展能藝術家打氣及Jam歌。Ben表示自己向來喜歡藝術，近期開始向唱作歌手方面發展，並將推出新歌，他説：「應該9月頭會派台做宣傳，自己寫歌、拍MV同做埋監製。」他表示音樂是他的夢想，希望有天能用音樂感動別人。<br/><br/>鄧萃雯就自爆剛入行時曾有唱片公司接觸她，曾唱過電視劇插曲的她，因想專注演戲而回絕對方，問到現時有否歌癮和戲癮，她説：「都冇乜，如果有戲癮都唔會咁耐冇拍戲，唔喺冇拍好耐，不過拍得唔密，藝術係追求完美，如果離完美有距離就算，或者好似今日咁嚟做有意義嘅事。」<br/><br/>她表示經常會出席為有缺陷人士舉辦的活動：「我覺得佢哋有好多嘢其實叻過我，通過同佢哋相處學到很多嘢，健全嘅人成日都以為自己勁啲，因為太幸福反而成日專注啲唔好嘅事，但例如我去探訪山區嘅小朋友，就算佢哋唔夠衫着生活點辛苦，總之有得返學就好開心。」她表示現代人太幸福，雜念太多又易分心，坦言好想學習專注和投入：「為社會做更多事，愛多啲身邊人。」<br/><br/><br/>