內地女星章子怡貴為國際巨星，每次出場都充滿氣場，不過隨住最近佢歸於平淡，專心相夫教子做個小女人後，霸氣「女主人」地位竟然即被人取代，嗰個就係老公汪峰嘅「前世情人」、6歲囡囡醒醒！近日汪峰正密鑼緊鼓籌備演唱會，佢喺社交網上載綵排片段，見醒醒坐正喺汪峰隔離，摺起雙腳用手托住下巴，若有所思咁，好似對音樂安排好有諗法，望落似足做導演時嘅章子怡，一樣咁有氣勢夠晒壓場，而汪峰亦好重視囡囡嘅意見，即時作出調整，兩父女拍住上勁有默契，汪峰仲笑指：「我新的音樂總監！」<br/><br/><br/><br/><br/>