最強博彩盤路過關神器《串績王》：http://win.on.cc/football/　<br/><br/>上星期打甩強姦罪嘅班捷文文迪，極速有新球會收留，加盟法甲球隊羅連安特，簽約2年。呢位29歲前曼城左後衞有望下月初，重返英格蘭，踢熱身賽對般尼茅夫。<br/><br/>班捷文文迪2年前被控告於2018及2020年分別喺屋企強姦1名29歲及1名24歲女子，一度面臨9項性侵罪名，今年1月已經打甩其中6項罪名，上周五(14日)再獲判其餘指控不成立。<br/><br/>呢位法國國腳上月底約滿離開曼城，雖然佢已經2年時間冇參加比賽，兼遭官非事件打擊，但勝在名氣大，曾經協助法國捧2018年世界盃冠軍，效力摩納哥及曼城期間都贏過聯賽冠軍，羅連安特把握機會「趁低吸納」，迅速邀請佢加盟。<br/><br/>班捷文文迪6年前由摩納哥轉投曼城，轉會費高達5,200萬鎊(約5.25億港元)，羅連安特免轉會費簽到佢，真係「執到寶」，班捷文文迪將會着5號球衣。<br/><br/>羅連安特將於8月6日凌晨熱身賽作客英超球隊般尼茅夫，意味班捷文文迪可重返英格蘭獻技，真係百般滋味在心頭。