巴西國家隊公布大軍名單，效力國際米蘭嘅後衞卡路士奧古士圖首次獲得徵召，意大利主帥史巴列堤原本有意遊說呢位24歲左閘代表意軍，但卡路士奧古士圖最終都係選擇為「森巴兵團」披甲。<br/><br/>由於巴西2位後衞國腳雷蘭洛迪、華達臣受傷，未能為國出征，所以看守領隊費蘭度迪尼斯補選卡路士奧古士圖及基羅納21歲新星恩古圖。其中卡路士奧古士圖原本有權揀代表意大利或者巴西，近年積極搶人才嘅意軍亦有意召入佢，但奧古士圖始終心繫巴西，亦曾經為巴西U20上陣，所以最終決定代表出生地比賽。<br/><br/>巴西將於10月13日早上世界盃外圍賽主場對委內瑞拉，5日後作客烏拉圭。