英冠球會伯明翰周三(11日)宣布，聘請英格蘭名將朗尼成為球會新領隊，取代被炒魷嘅烏斯泰斯，朗尼仲即刻搵嚟奧沙同艾殊利高爾出任助教，而佢執教嘅第一擊，將會作出由前曼聯隊友卡域克執教嘅米杜士堡，上演「紅魔內戰」。<br/><br/>曾經喺英國執教過打比郡嘅朗尼，日前宣布同美職華盛頓聯隊提前解約，返英後隨即同伯明翰簽約3年半，朗尼表示：「加盟伯明翰令我好興奮，球會有明確嘅發展計劃，我亦努力建立自己嘅領隊事業，準備好接受任何挑戰，伯明翰嘅計劃令我得到目標，我急不及待要展開工作。」<br/><br/>伯明翰依家排喺英冠第6位，有機會爭取升上英超，而朗尼上任後首戰，將會係下星期六(21日)作客米杜士堡，米杜士堡領隊卡域克係朗尼喺曼聯多年戰友，一齊贏過好多冠軍。