內地花旦吳謹言早前憑劇集《墨雨雲間》翻紅，正當人氣再次處於巔峰之際，今日（13日）竟然無預警宣布同《延禧攻略》飾演「和親王」嘅洪堯結婚，消息一出嚇壞唔少粉絲之餘，曾被傳係「劈腿渣男」嘅洪堯，其黑歷史更再次掀起熱議。<br/><br/>有網友透露曾出演內地相親節目《非常完美》嘅洪堯，喺節目上被曹贏心熱烈追求，甚至連小朋友嘅姓名已經諗好：「孩子名字都想好，叫洪與心，洪堯與曹贏心」可惜節目結束不久就傳出2人分手消息，洪堯更被踢爆劈腿嫩模外，更一度流出床照；然而，最令網友震驚嘅係日前，被張雨綺「帶挈」嘅鮮肉男星于適，被傳一腳踏五船嘅同時，其中曹贏心更係佢嘅女友。<br/><br/><br/><br/><br/>